Fréttayfirlit

Í dag fellur úr gildi íslenski staðallinn ÍST 120 Skráning og flokkun landupplýsinga - Uppbygging fitjuskráa. Fitjuskrár sem tengjast honum eru eftir sem áður aðgengilegar á heimasíðu Landmælinga Íslands.

Þeir sem farið hafa um gossvæðið í Geldingadölum haf séð plötur með bleikum og gulum ferningum sem komið hefur verið fyrir á svæðinu.

Landmælingar Íslands hafa auglýst tvö störf vegna átaks um sumarstörf námsmanna. Annars vegar er um að ræða starf við skönnun og skráningu korta- og kortafilma og hins vegar starf við skönnun og skráningu loftmynda.

Frá árinu 2013 hafa Landmælingar Íslands rekið jafnlaunakerfi sem uppfyllir kröfur jafnlaunastaðlalsins ÍST 85:2012 og nær til alls starfsfólks.

Í dag opnaði Guðmundur Ingi Guðbrandsson, umhverfis- og auðlindaráðherra mælaborð grunngerðar á Íslandi.

Hægt er að skoða nýjustu loftmyndir, gönguleiðir, útbreiðslu hrauns og margt fleira frá umbrotasvæðinu á Fagradalsfjalli í nýrri kortasjá.

Ráðstefnunni er ætlað að leggja áherslu á „stóra samhengið“ eins og heiti ráðstefnunnar gefur til kynna. Sagt verður frá verkefnum sem tengjast loftslagsmálum og landupplýsingum stofnana sem tengjast þeim.

Ársskýrsla Landmælinga Íslands fyrir árið 2020 er komin út.

Í stuttmyndinni After Ice eru fjölmargar loftmyndir frá Landmælingum Íslands frá fimmta og níunda áratug síðustu aldar endurunnar í þrívídd og lagðar saman við myndefni úr samtímanum til þess að draga fram með skýrum hætti hversu mikið jöklar hafa hopað á síðustu árum og áratugum.

Gerðar hafa verið breytingar á tíðni útgáfu IS 50V kortagrunnsins. Áður voru tvær útgáfur á ári á flestum lögum grunnsins en nú verður útgáfum ákveðinna laga fjölgað en annara fækkað.

Á síðastliðnum 12 mánuðum hafa miklar breytingar orðið á starfsumhverfi Landmælinga Íslands vegna COVID-19 heimsfaraldursins. Um 40% starfsmanna hafa að mestu leyti unnið heima og á sama tíma hefur tækni og búnaður til fjarvinnu tekið miklum framförum. Þetta hefur haft miklar breytingar í för með sér varðandi samskipti á milli starfsmanna og við samstarfsaðila og eru fjarvinnufundir orðnir eðlilegur hluti af daglegum störfum starfsmanna stofnunarinnar.

Í Sveitarfélagssjánni er komin inn tímalína sem sýnir þróun sveitarfélaga og sveitarfélagamarka frá 1904, en töluverðar breytingar hafa orðið á þessum mörkum í gegnum tíðna.