Síðujökull. Línurnar sýna legu jökuljaðarins samkvæmt CORINE kortlagningunni.
Í CORINE landflokkunarverkefninu eru breytingar á landgerðum/landnotkun kortlagðar á 6 ára fresti. Seinustu CORINE-kortlagningu lauk 2018 og var heildarflatarmál allra breytinga frá 2012 um 770 km
2. Margar landgerðir stækka staðbundið á ákveðnum stöðum, en minnka annars staðar. Til dæmis stækkar flokkurinn 332 Ógróin hraun og urðir um 266,5 km
2 aðallega þar sem land kemur undan jökli en minnkar um 112,7 km
2 vegna landgræðslu eða aukningar á náttúrulegri gróðurþekju. Heildarbreyting á flatarmáli þessa flokks er því ekki nema 153,8 km
2.
Stærsta einstaka landgerðabreytingin á Íslandi er rýrnun jöklanna. Milli áranna 2012 og 2018 minnkaði flatarmál þeirra um 215 km
2 en frá árinu 2000 hafa þeir minnkað um 647 km
2 eða um 36 km
2 á hverju ári að meðaltali. Það er 5,8% rýrnun á þessu 18 ára tímabili.
Myndin sýnir Síðujökul sem er skriðjökull suður úr vestanverðum Vatnajökli. Línurnar sýna legu jökuljaðarins samkvæmt CORINE kortlagningunni:
- Árið 2000: Blá lína
- Árið 2006: Græn lína
- Árið 2012: Rauð lína
- Árið 2018: Gul lína
Rýrnun Síðujökuls hefur verið nokkuð jöfn á þessu 18 ára tímabili sem sést á því að fjarlæðin milli línanna er svipuð. Frá árinu 2000 hefur jökullinn hopað um 1200 – 1300 metra eða um 70 metra á hverju ári að meðaltali.
