Gæðastefna Landmælinga Íslands

Gæðastefnan lýsir áherslu Landmælinga Íslands á gæðum vinnu og þjónustu og að þjónusta stofnunarinnar sé í samræmi við væntingar viðskiptavina, samstarfsaðila og starfsfólks.

Með gæðastefnunni vilja Landmælingar Íslands tryggja stöðugar umbætur í starfsemi stofnunarinnar. Þetta er m.a. gert með því að leggja áherslu á vel skilgreinda verkefnastjórnun.

Stjórnendur Landmælinga Íslands gera sér grein fyrir að gæðamál eru stöðugt á dagskrá og vanda þarf til verka við úrlausn þeirra. Innleiðing og framkvæmd stefnunnar er mikilvæg til að fullvissa starfsfólk, samstarfsaðila og viðskiptavini Landmælinga Íslands um áherslur í gæðamálum.

Umfang

Gæðastefnan tekur til allrar vinnu sem unnin er í nafni Landmælinga Íslands hvort sem er við öflun og vinnslu landfræðilegra gagna, varðveislu og miðlun landfræðilegra upplýsinga eða aðra starfsemi.

Allt starfsfólk Landmælinga Íslands ber ábyrgð á framkvæmd þessarar stefnu.

Markmið

Markmið LMÍ með gæðastefnunni eru að:
Vera öflug og traust stofnun sem gegnir mikilvægu hlutverki við að uppfylla þarfir samfélagsins fyrir landfræðileg gögn.
Veita viðskiptavinum góða og faglega þjónustu sem byggir á heilindum starfsmanna og gagnkvæmu trausti milli aðila.
Gæta hagkvæmni í starfsemi þannig að rekstur LMÍ skili hámarksþjónustu fyrir þá tekjustofna sem standa undir starfseminni.
Beita viðurkenndum aðferðum gæðastjórnunar þar sem allir starfsmenn taka virkan þátt í að vinna stöðugt að endurbótum.
Veita starfsmönnum gott vinnuumhverfi og hvatningu í starfi. Styðja frumkvæði þeirra.
Viðhalda og efla fagþekkingu starfsmanna.
Fylgja og hlíta opinberum kröfum sem gerðar eru til starfsemi LMÍ hverju sinni.
Fylgja lögum, reglugerðum og reglum sem lúta að landmælingum, stjórnsýslulögum, lögum um persónuvernd, upplýsingalögum og öðrum lögum sem kunna að eiga við.
Fylgja öllum samningum sem LMÍ eru aðili að og varða gæðamál á einhvern hátt.

Leiðir að markmiðum

Gæðahandbók með verklagsreglum og lýsingum.
Gæðahópur sem hefur það hlutverk að fjalla einungis um gæðamál hittist a.m.k. fjórum sinnum á ári eða oftar ef þörf krefur til þess að fara yfir gæðamál í stofnuninni.
Starfsfólk Landmælinga Íslands fylgir Gæðahandbókinni og öðrum fyrirmælum stjórnenda stofnunarinnar í störfum sínum.
Regluleg kynning á stöðu gæðamála á starfsmannafundum í þeim tilgangi að starfsfólk Landmælinga Íslands sé upplýst, fái fræðslu varðandi gæðamál og geri sér grein fyrir ábyrgð þeirra hvað gæðamál varðar.
Í öllu starfi verði gildi Landmælinga Íslands höfð að leiðarljósi:
Vandvirkni – Notagildi – Aðgengi - Samvinna

Ábyrgð

Ábyrgð á framkvæmd gæðastefnu skiptist á eftirfarandi hátt:

Forstjóri Landmælinga Íslands ber ábyrgð á gæðastefnu stofnunarinnar.
Gæðastjóri ber ábyrgð á innleiðingu gæðastefnunnar.
Starfsfólk Landmælinga Íslands ber ábyrgð á að fylgja þeim vinnuferlum og lýsingum sem tengjast verkefnum þeirra og tryggja eiga framkvæmd gæðastefnunnar.
Samstarfsaðilar, verktakar og birgjar bera ábyrgð á að farið sé eftir samningsbundnum vinnuferlum.
Allt starfsfólk Landmælinga Íslands ber ábyrgð á að tilkynna frávik og galla sem varða væntingar viðskiptavina.

Endurskoðun

Þessi stefna skal endurskoðuð á þriggja ára fresti eða oftar ef þörf krefur.